Giorgi Vaşadze: "Gürcü Arzusu" 11 ildə ölkəyə üç şey gətirdi: korrupsiya, yoxsulluq və Rusiya

"111 il əvvəl “Titanik” batdı və bu, böyük faciə idi, 11 il əvvəl “Gürcü Arzusu” yarandı və bu da, mənim fikrimcə, Gürcüstan tarixində böyük faciə idi".

InterPress.ge xəbər verir ki, bunu “Ağmaşenebeli Strategiyası”nın sədri Giorgi Vaşadze “Gürcü Arzusu”nun yaradılmasının 11 illiyi ilə bağlı jurnalistlərə deyib.

Onun sözlərinə görə, “Gürcü Arzusu” 11 ildə ölkəyə üç şey gətirib: korrupsiya, yoxsulluq və Rusiya.

“Gürcü arzusu” insanlara nə vəd edirdi? - Ədalətin bərpası, “klan”ın sonu, iqtisadi yüksəliş, kəndin inkişafı... çoxlu vədlər verirdi. Heç bir vəd yerinə yetirilməyib. O, yalnız üç şeyi etdi: “Klan”ı və korrupsiyanı gücləndirdi, yoxsulluq və Rusiya gətirdi”, - Vaşadze bildirib.