Təhsil və Elm naziri və Azərbaycan səfiri arasında işgüzar görüş baş tutub

Gürcüstanın təhsil və elm naziri Giorgi Amilaxvari Azərbaycanın səfiri Faiq Quliyevlə işgüzar görüş keçirib.

InterPress.ge xəbər verir ki, Nazirliyin mətbuat xidmətindən verilən məlumata görə, tərəflər təhsil və elm sahəsində mövcud və gələcək əməkdaşlıq məsələlərini müzakirə ediblər.

“Nazir Azərbaycanın səfirinə səmərəli əməkdaşlığa görə təşəkkür edib və Gürcüstan ilə Azərbaycan Respublikası arasında uzunmüddətli sıx tərəfdaşlığın mövcud olduğunu bildirib.

Görüşdə birgə layihələrin həyata keçirilməsi məsələləri müzakirə olunub. Tərəflər təhsilin bütün səviyyələrində əməkdaşlığın dərinləşdirilməsi perspektivlərini müzakirə ediblər”, - məlumatda qeyd olunur.