Şimali Makedoniyanın xarici işlər naziri Gürcüstana rəsmi səfər edəcək
10-11 aprel 2023-cü il tarixində Şimali Makedoniyanın xarici işlər naziri Buyar Osmani Gürcüstana rəsmi səfər edəcək.
InterPress.ge xəbər verir ki, məlumatı Xarici İşlər Nazirliyi yayıb.
Qurumun məlumatına görə, Buyar Osmanini Gürcüstanın xarici işlər naziri İliya Darçiaşvili qonaq edəcək. Həm üz-üzə, həm də iki ölkənin nümayəndə heyətləri arasında görüş keçiriləcək, bundan sonra mətbuata birgə bəyanatlar veriləcək.
Bundan başqa, səfər çərçivəsində Gürcüstanın baş naziri İrakli Ğaribaşvili, parlamentin sədri Şalva Papuaşvili və Barışıq və vətəndaş bərabərliyi üzrə dövlət naziri Tea Axvlediani Şimali Makedoniyanın xarici işlər naziri ilə görüşlər keçirəcək. Buyar Osmanini Gürcüstan prezidenti Salome Zurabişvili qəbul edəcək.
Şimali Makedoniya Xarici İşlər Nazirliyinin rəhbəri Gürcüstana səfəri çərçivəsində işğal xəttinə baş çəkəcək və mövcud vəziyyətlə tanış olacaq.
