Gürcüstan və Polşa arasında yeni saziş imzalandı

“Gürcüstan və Polşa Respublikası arasında gəlirlərə görə ikiqat vergitutmanın aradan qaldırılması və vergilərin ödənilməməsinin və vergidən yayınmanın qarşısının alınması haqqında” saziş qüvvəyə minib.

InterPress.ge xəbər verir ki, bu barədə Maliyyə Nazirliyi məlumat verib.

Məlumata görə, yenilənmiş sazişi Gürcüstanın maliyyə naziri Laşa Xuçişvili və Polşa Respublikasının Gürcüstandakı fövqəladə və səlahiyyətli səfiri Marius Maşkieviç 2021-ci il iyulun 7-də imzalayıblar.

“Bu müqavilənin 2006-cı ildə Gürcüstan və Polşa arasında bağlanmış müqaviləni əvəz etməsi xüsusilə vacibdir.

Yeni sənəd İqtisadi Əməkdaşlıq və İnkişaf Təşkilatının (OECD) yenilənmiş 2017 modelinə əsaslanır və Vergi Bazasının Azaldılması və Mənfəətin dəyişdirilməsi (BEPS) layihəsi ilə müəyyən edilmiş standartları əks etdirir.

Həmçinin qeyd etmək yerinə düşər ki, yeni sazişdə dividendlər, faizlər və royaltilər üzrə tutulan vergi dərəcələri azaldılıb və köhnə müqavilədəki 10% əvəzinə 5% müəyyən edilib.

Sazişin məqsədi iki ölkə arasında iqtisadi əməkdaşlığı təşviq etmək və investisiyaların cəlb edilməsidir.

Hazırda 57 ölkə ilə ikiqat vergitutmadan yayınma sazişləri qüvvədədir", - məlumatda deyilir.