İrakli Ğaribaşvili Mixeil Saakaşviliyə insan haqları uğrunda mübarizə üçün mükafat verilməsinə belə münasibət bildirdi

Baş nazir İrakli Ğaribaşvilinin sözlərinə görə, Gürcüstanın keçmiş prezidenti Mixeil Saakaşviliyə insan haqları uğrunda mübarizə üçün mükafatın verilməsi gürcü xalqına istehza və təhqirdir.

InterPress.ge xəbər verir ki, Baş nazir bunu Norveçdə Saakaşviliyə verilən mükafat məsələsini şərh edərkən jurnalistlərə deyib. 

O bəyan edib ki, Saakaşvili qatil rejimin yaradıcısıdır.

Onun sözlərinə görə, sözügedən mükafatın Saakaşviliyə verilməsi, hansısa ölkənin Norveçdə çoxlu insanı qətlə yetirməkdə təqsirli bilinən Breyviki mükafatlandırması ilə eynidir.

“2012-ci il insanların cinayət sistemi tərəfindən işgəncələrə məruz qaldığı, zorlandığı, öldürüldüyü dəhşətli cəhənnəm reallığıdır. Bunun fonunda Saakaşvili insan haqları sahəsində əldə etdiyi nəticələrə görə hansısa Norveç təşkilatı tərəfindən nəsə mükafatlandırılıb. Bu, xalqımıza qarşı istehza və təhqirdir. Dünya şöhrətli avtoritar, demək olar ki, diktator keçmiş idarəçi, zalım, qatil sistemin yaradıcısı olan Saakaşvili insan haqları sahəsində mükafata nail olub. Bu inanılmazdır. Yadınızdadırmı, Norveçdə Breyvik çox adam öldürmüşdü. Mixeil Saakaşvili Qirqvliani işində iştirakına görə məhkum edilib, onun rejimi qatil rejim idi", - Ğaribaşvili bildirib.

Məlumat üçün bildirək ki, Gürcüstanın üçüncü prezidenti Mixeil Saakaşvili insan haqları və demokratiya uğrunda mübarizə üçün mükafata layiq görülüb. Mükafatlandırma mərasimi Norveçdə keçirilib.