Qafqaz Universitetinin prezidenti Marneulidəki Mülki İnkişaf Məktəbində olub-FOTO

“Qırmızı Körpü” qeyri-hökumət təşkilatının təşəbbüsü ilə Qafqaz Universitetinin prezidenti Kaxa Şengelia Marneulidəki Mülki İnkişaf Məktəbində olub.

InterPress.ge xəbər verir ki, bu barədə Mülki İnkişaf Məktəbinin rəsmi Facebook səhifəsində qeyd olunub.

Səfər çərçivəsində universitetin prezidenti etnik azərbaycanlı gənclərlə görüşüb. Görüşün əsas mövzusu etnik azərbaycanlı abituriyent/tələbələr üçün təhsilin təşviqi olub.

Gənclər etnik azlıqların nümayəndələri kimi qarşılaşdıqları problemləri Qafqaz Universitetinin prezidenti ilə bölüşüb, mövcud problemlərin həlli yollarını və alternativlərini müzakirə ediblər.