Ceyms Kleverli: "Gürcüstan demokratiyanın inkişafında böyük nailiyyətlər əldə edib"
"Biz sizin Avro-Atlantik istəklərinizi dəstəkləməyə davam edirik".
InterPress.ge xəbər verir ki, Gürcüstanda rəsmi səfərdə olan Böyük Britaniyanın xarici işlər naziri Ceyms Kleverli bunu Xarici İşlər Nazirliyində İliya Darçiaşvili ilə görüşdən sonra keçirilən birgə brifinqdə deyib.
Onun sözlərinə görə, Britaniya Gürcüstanın möhkəm və dönməz dostudur və qalacaq.
“Güclü və vahid NATO Avropada və onun hüdudlarından kənarda təhlükəsizliyimiz üçün çox vacibdir. Bu səbəbdən 2023-cü ildə Gürcüstan üçün xüsusi paket hazırlanıb. 2023-cü ildə Böyük Britaniya səfirliyi Rumıniya səfirliyi ilə birlikdə Gürcüstanda NATO-nun əlaqələndirici şəxs qismində çıxış edəcək. Bizim ikitərəfli müdafiə əməkdaşlığımız yalnız hərbi əməkdaşlıqdan kənara çıxır və kibertəhlükəsizlik və dezinformasiyaya qarşı mübarizə sahəsində birgə işi əhatə edir. Gürcüstan Marqaret Tetçerin tarixi səfərindən sonra demokratiyanın inkişafında böyük nailiyyətlər əldə edib. Demokratiyanı möhkəmləndirmək və demokratik təsisatları gücləndirmək üçün mən sizi media azadlığı, vətəndaş cəmiyyəti və məhkəmə sisteminin müstəqilliyi ilə bağlı öhdəliklərinizi gücləndirməyə çağırıram. Biz Gürcüstanın möhkəm və dönməz dostuyuq və qalacağıq. Bu gün Tbilisidə olduğum üçün şadam. Mən ümid edirəm ki, əlaqələrimiz gələcəkdə daha da yüksək səviyyəyə qalxacaq”, – Ceyms Kleverli bildirib.
