Bill Brauder Mixeil Saakaşvili ilə bağlı: "O, həbsdən çıxmasa, öləcək"

"İki ay əvvəl mən Mixeil Saakaşvilinin şəklini gördüm və o qədər sarsıldım ki, bu mənə Sergey Maqnitskini və onun həbsxanada işgəncələr altında necə öldüyünü xatırlatdı".

InterPress.ge xəbər verir ki, bu barədə “Maqnitski aktı”nın müəllifi Bill Brauder Avropa Parlamentində “Ölüm əmri verilən siyasi məhbuslar: Kara-Murza, Qorinov və Mixeil Saakaşvili” mövzusunda müzakirənin aparıldığı iclasda bildirib.

“Hər kəs onun necə islahatçı olduğunu çox gözəl bilir. 2008-ci ildə Rusiya Gürcüstanı işğal edəndə onun Putinə qarşı durması xüsusilə təsirli idi. Putin Mixeil Saakaşviliyə o qədər qəzəblənib ki, o vaxtdan ona qarşı şəxsi qisas təşkil edir. Mixeil Saakaşvili 2012-ci il seçkilərindən sonra könüllü olaraq hakimiyyətdən imtina edib. Gürcüstana qayıtdıqdan sonra dərhal həbs edilib, siyasi ittihamlarla azadlığı məhdudlaşdırılıb, işgəncələrə məruz qalıb, zəhərlənib və indi həbsxanada ölür. O, mənə həbsxanadan məktub göndərdi ki, “Mənə kömək edə bilərsən?” və mən onun həyatını xilas etmək məcburiyyətindəyəm. Bu son dərəcə aktual məsələdir. O, həbsdən çıxmasa, öləcək”, - Bill Brauder bildirib.

Müzakirələrdə Mixeil Saakaşvilinin ailə üzvləri, anası Qiuli Alasaniya və oğlu Eduard Saakaşvili də iştirak edib.