Petre Ciskarişvili, Qiorqi Çaladze və Mixeil Saakaşvilinin ailə üzvləri Strasburqdadırlar

“Vahid Milli Hərəkat”ın baş katibi - Petre Ciskarişvili və sabiq prezident Mixeil Saakaşvilinin azadlığa buraxılması qərargahının rəhbəri Qiorqi Çaladze Mixeil Saakaşvilinin ailə üzvləri ilə birlikdə Strasburqdadırlar.

InterPress.ge xəbər verir ki, bu barədə “Milli Hərəkat” məlumat yayıb.

Partiyadan verilən məlumata görə, Avropa parlamentariləri Strasburqda növbədənkənar sessiyaya toplaşıblar və burada "Putinin ölüm astanasında olan şəxsi məhbuslarını müzakirə edirlər".

“İclasda çıxış edənlərdən biri adı Maqnitski siyahısının yaradılması ilə bağlı olan Uilyam Brauderdir. Müzakirələrdən sonra mətbuat konfransı keçiriləcək”, - partiyanın yaydığı məlumatda bildirilib.