Aksiya təşkilatçıları vətəndaşları sabah yenidən Parlament qarşısına toplanmağa çağırdı

Martın 10-da Gürcüstan parlamentinin binası qarşısında mitinq keçiriləcək.

InterPress.ge xəbər verir ki, Rustaveli prospektində keçirilən aksiyanın təşkilatçıları vətəndaşları sabah saat 11:00-da yenidən toplaşmağa çağırıb.

Mitinqin liderlərindən biri Nodar Çaçanidze martın 10-da parlamentdə büro iclasının təyin olunduğu, ondan sonra plenar iclasın keçiriləcəyi məlum olduqdan sonra müvafiq bəyanatla çıxış edib. Məlum olduğu kimi, gündəliyə yalnız bir məsələ - agentlərlə bağlı layihənin ikinci dinləməsi səsə qoyulacaq.