Sabah parlamentdə geri götürülmüş qanunlayihələri ilə bağlı büro və plenar iclas keçiriləcək

Sabah, martın 10-da Parlamentdə 11:45-də büro iclası daha sonra isə 12:00-da  plenar iclas keçiriləcək. 

InterPress.ge xəbər verir ki, gündəlikdə yalnız bir məsələ olacaq.

Sabah keçiriləcək iclasda agentlərlə bağlı layihənin ikinci oxunuşuna səsvermə keçiriləcək.

Xatırladırıq ki, parlament çoxluğu Agentlər haqqında qanun layihələrinin təqdim edilməsinə dair qərar geniş miqyaslı ictimai etirazdan sonra geri götürülüb. Sözügedən layihələrə etiraz olaraq üçüncü gündür ki, parlament qarşısında etiraz aksiyaları keçirilir, o cümlədən martın 7-8-də Daxili İşlər Nazirliyi nümayişçiləri dağıtmaq üçün su şırnaqları, gözyaşardıcı qazdan və bibər qazından istifadə ediblər.