"Dünən Milli Hərəkatın göstərişi ilə etirazçılar hüquq-mühafizə orqanlarının əməkdaşlarına zorakılıq ediblər"– Kobaxidze

“Gürcü Arzusu”nun sədri İrakli Kobaxidze dünən parlament qarşısında dinc aksiyanın dağıdılmasına cavab verib və “radikal müxalifət” və “media”nı ictimaiyyəti “Amerika qanunu”nun rus olduğuna inandırmaqda ittiham edib.

InterPress.ge xəbər verir ki, Kobaxidze hüquq-mühafizə orqanlarının əməkdaşlarına “dünənki səbrə və insan hüquqlarının ən yüksək standartına uyğun hərəkət etdiklərinə görə” təşəkkür edib və yaralanan dinc etirazçılara görə "ürək ağrısı" ifadə edib. 

"Radikal müxalifət və onun mediası ictimaiyyətin böyük bir hissəsini parlamentin qəbul etdiyi Amerika qanununun rus qanunu olduğuna inandırdı ki, bu da dünən insanlarda səmimi həyacana səbəb oldu. Lakin hər zaman olduğu kimi, radikal müxalifət bu həyəcandan öz siyasi məqsəd və vəzifələrini yerinə yetirmək üçün istifadə etməyə çalışdı. Radikal müxalifət tərəfdarları tərəfindən asayiş keşikçilərinə qarşı görünməmiş zorakılıq müşahidə olunub. Əgər 2012-ci ilə qədər asayiş keşikçiləri etirazçılara və xalq müdafiəçisinə qarşı zorakılıq nümayiş etdirirdilərsə, dünən həmin Milli Hərəkatın göstərişi ilə etirazçılar hüquq-mühafizə orqanlarının əməkdaşlarına və xalq müdafiəçisinə qarşı zorakılıq ediblər”, - Kobaxidze bildirib.

Onun sözlərinə görə, dünən qanunu kobud şəkildə pozan və zorakılıq törədən hər kəsin ciddi şəkildə cəzalandırılması vacibdir.