Parlamentin İnsan Hüquqlarının Müdafiəsi və Mülki İnteqrasiya Komitəsi səs-küylə işə başlayıb

Gürcüstan parlamentinin İnsan Hüquqlarının Müdafiəsi və Mülki İnteqrasiya Komitəsi səs-küylə işə başlayıb.

InterPress.ge xəbər verir ki, müxalifət sessiyanın gündəliyi ilə bağlı təklif irəli sürməyi tələb edib, lakin komitə sədri Mixeil Sarcveladze onlara icazə verməyib və komitənin gündəliyin müəyyən etdiyi dörd məsələyə baxacağını bildirib.

Bunun ardınca komitədə səs-küy yaranıb.

“Düşmən basqın etsəydi, yaxud hardasa insanlar öldürülsəydi, əlavə məsələni gündəmə gətirməzdinizmi? Sizcə, baş verənlər, küçəyə bu qədər gəncin çıxması heç nəyin baş vermədiyi anlamına gəlir? Biz söz tələb edirik, konstruktiv rejimdə gəldik, dedik ki, bizə söz verin, ancaq vermirsiniz”, - Samadaşvili Sarcveladzeyə müraciət edib.