Gürcüstan prezidenti “Xarici təsirlər haqqında” qanuna veto qoyacağını açıqladı

“Xarici təsirlər haqqında" qanun qəbul olunarsa, ona veto qoyacağam".

InterPress.ge xəbər verir ki, bunu Gürcüstan prezidenti Salome Zurabişvili gender bərabərliyi üzrə illik siyasi forumda çıxışı zamanı bildirib.

Onun sözlərinə görə, sözügedən qanun layihəsi Gürcüstanı Avropadan ayırır.

“Burada çoxlu qeyri-hökumət təşkilatları olduğu üçün jurnalistlərin çaşqınlığa düşməməsi üçün deyim ki, hazırda baxılan qanunun qəti əleyhinəyəm. Mən bu qanunu müzakirə etməyəcəyəm. Veto qoyacağam! Mənim hüquqi mövqeyim yoxdur ki, bu və ya digər maddə işə yaramır. Bu qanun bizi Avropadan uzaqlaşdırmaq üçündür. Ona görə də bu, mənim üçün qəbuledilməzdir”, - Salome Zurabişvili bildirib.