"Ned Praysı aldadıblar, kim deyir ki, qanun rus qanunudur, yalan danışır" - Kobaxidze

“Gürcü Arzusu”nun sədri İrakli Kobaxidze bəyan edib ki, formal olaraq çıxan deputatların təşəbbüsü ilə yaradılan “Rus qanunu” rus qanunu deyil. 

InterPress.ge xəbər verir ki, jurnalistlər ondan konkret Qərb tərəfdaşlarının, o cümlədən ABŞ Dövlət Departamentinin sözçüsü Ned Prays və ABŞ-ın Gürcüstandakı səfirinin bəyanatı ilə bağlı sual veriblər.

"Birinci versiyanın rus qanunu olduğunu söyləyən hər kəs yalan danışır, sizə deyə bilərəm ki, ilk layihənin rus qanunu olduğunu deyən hər kəs yalan danışır.  [Ned Prays yalan danışır?] Onu aldadıblar, çaşdırıblar, ona yanlış məlumat veriblər və təəssüf ki, Dövlət Departamentinin mətbuat katibi yalan danışıb”, - Kobaxidze bildirib.