Kelli Deqnan: “Son 6-8 ay ərzində Gürcüstanda anti-Qərb kampaniyası davam edir”
“Son 6-8 ay ərzində Gürcüstanda anti-Qərb kampaniyası davam edir”.
InterPress.ge xəbər verir ki, bu sözləri ABŞ-ın Gürcüstandakı səfiri Kelli Deqnan jurnalistlərlə söhbətində bildirib .
“Aydındır ki, Gürcüstanda son 6-8 aydır ki, Gürcüstanla Qərb, Gürcüstanla ABŞ, Gürcüstanla Avropa İttifaqı arasında möhkəm tərəfdaşlığa xələl gətirməyə çalışan kampaniya gedir. Bu, çox aydın və dəfələrlə Avropaya getməyi seçən gürcü xalqının açıq seçiminə ziddir.
İnsanlar Avropanın gələcəyini, güclü demokratiyanı, Rusiyadan asılı olmayan uğurlu və çoxşaxəli iqtisadiyyat istəyirlər. Və əvvəlki illərdə Gürcüstan Rusiyadan uzaqlaşmaq baxımından real irəliləyiş əldə etdi. Bu sürət davam etməlidir. Gürcüstanın ticarət, təhlükəsizlik və ya başqa məsələlərdə Rusiyadan asılı olması üçün heç bir səbəb yoxdur.
Gürcüstanın yaxşı dostları var. Bizim hamımızın yaxşı dostlara ehtiyacı var və düşünürəm ki, Gürcüstanın ABŞ, Avropa İttifaqı və bir çox başqa ölkələrlə möhkəm dostluğunu pozmağa çalışanlar gürcü xalqından bunun qəbuledilməz olduğunu eşitməlidirlər", - Deqnan bildirib.
