Qiorqi Vaşadze: "Gürcü Arzusu müharibənin ildönümü ilə əlaqədar Kiyevə getməkdən imtina edib"

Ukrayna Radası müharibənin ildönümü ilə əlaqədar digər ölkələrlə yanaşı Gürcüstanın parlament nümayəndə heyətini də Kiyevə dəvət edib.

InterPress.ge xəbər verir ki, bu barədə Strategiya Ağmaşenebeli”nin lideri Qiorqi Vaşadze məlunat verib.

Onun sözlərinə görə, “Gürcü arzusu” dəvətə qatılmaqdan imtina edib.

"İndicə eşitdim ki, fevralın 24-də Ukrayna parlamenti digər ölkələrlə yanaşı, Gürcüstanın parlament nümayəndə heyətini də dəvət edib. Təəssüf ki, "Gürcü arzusu" Ukraynaya gəlməkdən imtina edib və bu barədə məlumatı hamımızdan gizlədib!" - Qiorqi Vaşadze yazır.

Qeyd edək ki, hələlik “Gürcü arzusu” bununla bağlı açıqlama verməyib.