Zaza Vaşağmadze Azərbaycanın səfiri ilə görüşüb
Dini Qurumlarla İş üzrə Dövlət Agentliyinin sədri Zaza Vaşağmadze Gürcüstan hökumətinin administrasiyasında Azərbaycan Respublikasının Gürcüstandakı fövqəladə və səlahiyyətli səfiri Faiq Quliyevi qəbul edib.
InterPress.ge xəbər verir ki, bu barədə Dini Qurumlarla İş üzrə Dövlət Agentliyi məlumat yayıb.
Onların məlumatlarına görə, görüşdə Gürcüstan və Azərbaycan Respublikası arasında din sahəsində münasibətlərə dair məsələlər müzakirə olunub. Azərbaycan səfirinin sözlərinə görə, Azərbaycan tərəfi Dini Qurumlarla İş üzrə Dövlət Agentliyi ilə qurulan dostluq münasibətlərini yüksək qiymətləndirir.
Görüşdə keşiş Petre Xumaraşvili, Kaxi Müqəddəs Qiorqi kilsəsinin baş keşişi, Azərbaycan səfirliyinin birinci katibi Anar Rəsulov, Gürcüstan Müsəlmanları İdarəsinin əməkdaşı Oqtay İsayev, Strateji Araşdırmalar, Təhlillər və Regionlar Xidmətinin analitiki Zviad Dğabladze , protokol meneceri Qvança Livanadze və agentliyin əməkdaşı Natia Qudadze iştirak edib.
