Levan Xabeişvili keçiriləcək aksiyalarla bağlı danışdı

“Milli Hərəkatın” yeni seçilmiş sədri Levan Xabeişvili bu gün saat 21:00-da partiyanın ofisində brifinq keçirəcək və etirazların harada və nə vaxt keçiriləcəyi ilə bağlı ictimaiyyətə məlumat verəcək.

InterPress.ge xəbər verir ki, hökumət administrasiyası yaxınlığında keçirilən mitinqdə jurnalistlərə verdiyi məlumata görə, etiraz aksiyası Putinin əmri ilə Putinə qarşı döyüşən baş komandan başqa ölkəyə transfer olanadək davam edəcək.

“Putinin xidmətçiləri, Bidzina İvanişvili və onun marionet rejimi çox yaxşı bilməlidir ki, qarşıda çox ağır günlər var. Etiraz hər yerdə olacaq, bu insanlar harda olurlarsa olsunlar, dinc şəkildə indiyə qədər etdikləri kimi, müxtəlif yerlərdə toplaşıb, müxtəlif yerlərdə brifinqlər keçiriblər, bu cür ola bilməz və davam edə bilməz. Həmçinin ictimaiyyətə bildirmək istəyirəm ki, bu gün saat 21:00-da partiyada təcili açıqlama veriləcək, Gürcüstanın müxtəlif rayon və şəhərlərində konkret yerlər, konkret saatlar, günlər barədə ictimaiyyətə məlumat verəcəyik. Sabahdan etibarən hər yerdə, o cümlədən paytaxtda, Bidzina İvanişvilinin, Qaribaşvilinin, Breqadzenin evi qarşısında, müxtəlif dövlət qurumları, müxtəlif şəhər və rayonlarda etiraz aksiyaları keçiriləcək. Hamı yaxşı bilməlidir ki, nə qədər ki, biz bu vəziyyətdəyik, Putinin əmri ilə Putinə qarşı döyüşən baş komandan başqa ölkəyə transfer edilənədək bu etiraz davam edəcək. Onlar polis kordonu və xüsusi təyinatlılarla birlikdə yatıb oyanmalı olacaqlar”, - Xabeişvili bildirib.