Rusiyalı hüquq müdafiəçisi fevralın 20-də Mixeil Saakaşviliyə dəstək aksiyaları elan edib

Rusiyalı hüquq müdafiəçisi Mark Feyqin növbəti dəfə Gürcüstanın keçmiş prezidenti Mixeil Saakaşviliyə dəstək üçün qlobal aksiya keçirməyə çağırıb.

InterPress.ge xəbər verir ki, Feyqin ötən ilin dekabrında da oxşar çağırış etmiş və müxtəlif ölkələrin xalqından Gürcüstan səfirlikləri yaxınlığında qlobal aksiya keçirməyi xahiş etmişdi.

Onun sözlərinə görə, Mixeil Saakaşvilinin məsxərəyə qoyulmasından qəzəblənən bütün insanlar bu il fevralın 20-də saat 12:00-da öz ölkələrinin paytaxtlarında parlament və hökumət evlərinin qarşısına toplanmalıdır.

“Gürcüstan hakimiyyəti bizi dinləmədi, ona görə də 20 fevral 2023-cü il, saat 12:00-dan etibarən biz #SaveMisha adlı yeni qlobal aksiya keçiririk. Mixeil Saakaşvilinin məsxərəyə qoyulmasından hiddətlənən hər kəsi yaşadığı ölkənin paytaxtına, parlamentin və hökumət evinin qarşısına çıxmağa çağırırıq!”, – Feyqin bildirib.