“Milli Hərəkat”ın yeni sədrinin kim olduğu açıqlandı

Levan Xabeişvili “Milli Hərəkat”ın sədri oldu.

InterPress.ge xəbər verir ki, bu barədə partiyanın ofisində keçirilən brifinqdə siyasi şuranın sədri Koba Nağopiya məlumat verib.

Onun sözlərinə görə, Xabeişvili 52,58 faiz səs toplayıb.

Digər namizədlərə gəlincə - Nika Melia 40 faiz, Qiorqi Mumladze 3,68 faiz, Nona Mamulaşvili isə 3,73 faiz səs toplayıb.

Koba Nağopiyanın məlumatına görə, Milli Hərəkat-a sədr seçkisində 41 264 nəfər iştirak edib.

Xatırladaq ki, “Vahid Milli Hərəkat”ın sədrliyinə seçkilərdə dörd namizəd iştirak edib: Nika Melia, Levan Xabeişvili, Qiorqi Mumladze və Nona Mamulaşvili.