2022-ci ildə Gürcüstanda ticarət dövriyyəsi artıb

Gürcüstanda mallarla xarici ticarət dövriyyəsi (bəyan edilməmiş ticarət olmaqla) 19 043,0 mln. ABŞ dolları təşkil edib ki, bu da əvvəlki ilin müvafiq göstəricisindən 32,8 faiz çoxdur.

InterPress.ge xəbər verir ki, bu barədə Gürcüstan Milli Statistika Xidməti məlumat verib.

"Sakstat”ın açıqladığı məlumata görə, mallarla xarici ticarət dövriyyəsində ixrac 5 592,8 mln. ABŞ dolları (31,8 faiz artıb), idxal isə 13 450,1 mln. ABŞ dolları (33,2 faiz artıb) təşkil edib. 2022-ci ildə mənfi ticarət balansı 7 857,3 mln. ABŞ dolları təşkil edib, bu da xarici ticarət dövriyyəsinin 41,3 faizi deməkdir.