Naqillərin zədələnməsi səbəbindən Tbilisi-Zuqdidi qatarı Senakida dayanıb

Tbilisi-Zuqdidi qatarı Senakidə, dəmiryol vağzalının yaxınlığında dayanıb.

InterPress.ge xəbər verir ki, buna səbəb naqillərin zədələnməsi olub.

Əldə olan məlumata görə, güclü külək naqilləri qoparıb və qatar nəzərdə tutulan reysi yerinə yetirə bilməyib. Xətlərin təmiri üçün “Samtredia”dan xüsusi qrup cəlb olunub. Bundan əlavə, külək işlərin yerinə yetirilməsinə də mane olur.

Sərnişinlərə gəlincə, onlar mikroavtobuslara və digər nəqliyyat vasitələrinə köçürüləcək.