Saakaşvili: "Bu, xəyanətdir və belə xəyanət epizodları Gürcüstan-Ukrayna münasibətlərinin tarixində ağır ləkə kimi qalacaq”

"Ukraynaya “Buk” sistemlərini verməkdən imtina etmək ayıbdır!".

InterPress.ge xəbər verir ki, bu barədə Gürcüstanın üçüncü prezidenti Mixeil Saakaşvili sosial şəbəkədə yazıb.

O qeyd edib ki, prezident Yuşenkonun köməyi ilə Gürcüstan onları o vaxt minimal qiymətə alıb.

“Ukraynaya “Buk” sistemlərini verməkdən imtina etmək ayıbdır! Prezident Yuşenkonun köməyi ilə biz onları o vaxt minimum qiymətə aldıq. Yanukoviç Ukraynaya gələndə hətta Yuşenkoya qarşı “Buk”un Gürcüstana verilməsi ilə bağlı iş də açdılar və bunu Rusiyanın göstərişi ilə etdilər. Üstəlik, bizə “Buk”dan istifadə etməyi öyrədən təlimatçı – polkovnik Mamçur 2017-ci ildə Rovnoda rus agentləri tərəfindən öldürülüb.

İndi amerikalılar Ukraynaya “Buk” üçün çoxlu sayda raketlər veriblər. Ən əsası, bu addımla sistemləri təkcə ukraynalılara verməkdən imtina etmədik, “Javelin”ləri ukraynalılara verməklə bağlı da amerikalılara da yox dedik.

Bu, xəyanətdir və belə xəyanət epizodları Gürcüstan-Ukrayna münasibətlərinin tarixində ağır ləkə kimi qalacaq”, - Saakaşvili yazıb.