Giuli Alasania: "Mixeil Saakaşvili sabahkı məhkəmə prosesində iştirak edə bilməyəcək"

“Mixeil Saakaşvili sabahkı məhkəmə prosesində iştirak edə bilməyəcək”.

InterPress.ge xəbər verib ki, bu sözləri Giuli Alasania bildirib.

Onun sözlərinə görə, Saakaşvili hələ də özünü zəif hiss edir.

“İnsan göz qabağında yoxa çıxır, ona baxmaq belə mümkün deyil. Gördüyümə görə, o, sabahkı məhkəmə prosesində iştirak edə bilməyəcək, fiziki durumu həqiqətən imkan vermir, uzaqdan da olsa bu mümkün deyil. Elə hallar olur ki, o , heç başını belə çevirə bilmir”, - Alasaniya bildirib.

Məlumat üçün bildirək ki, Gürcüstanın sabiq prezidenti Mixeil Saakaşvilinin cəzasının təxirə salınması və ya cəzadan azad edilməsi məsələsi üzrə məhkəmə prosesi yanvarın 9-u, saat 12:00-a Tbilisi şəhər məhkəməsində təyin edilib.