Səhiyyə naziri İran İslam Respublikasının səfiri ilə görüşdü

İşğal olunmuş ərazilərdən məcburi köçkünlər, əmək, səhiyyə və sosial müdafiə naziri Zurab Azaraşvili İran İslam Respublikasının Gürcüstandakı səfiri Mahmud Adibi ilə görüşüb.

InterPress.ge xəbər verir ki, bu barədə Səhiyyə Nazirliyi məlumat yayıb.

Məlumata görə, tanışlıq görüşündə tərəflər ikitərəfli əməkdaşlıq məsələlərini və gələcək planları müzakirə ediblər.

Qurum rəhbəri diplomata səhiyyə sahəsində aparılan islahatlar barədə məlumat verib.

İran İslam Respublikasının səfiri Səhiyyə Nazirliyində aparılan islahatları dəstəklədiyini bildirib. Nazir öz növbəsində diplomata gələcək fəaliyyətində uğurlar arzulayıb.