Temur Canaşiya "Mixeil Saakaşvilinin sağlamlığı üçün hər dəqiqə və saniyə vacibdir"

"Biz qəti qərara gəldik ki, Saakaşvili burada adekvat müalicə alana qədər aclıq aksiyasını davam etdirəcəyik."

InterPress.ge xəbər verir ki,  bu sözləri Milli Hərəkatın deputatı Temur Canaşiya jurnalistlərə müsahibəsində bildirib.

Onun sözlərinə görə, keçmiş prezident Mixeil Saakaşvilinin sağlamlığı üçün hər dəqiqə və saniyə vacibdir.

"Aclıq elan edən insanlara gəlincə, biz ümumi zəiflik hiss edirik, başqa problemimiz yoxdur. Biz qəti qərarlıyıq və prezident Saakaşvili adekvat müalicə alana qədər aclıq aksiyasını davam etdirəcəyik.Prezident Salome Zurabişvili ilə razıyam ki, prezident Saakaşvilinin bu vəziyyətdə olması əslində qütbləşməniaradan qaldırmağa kömək etmir, baxmayaraq ki, onun əfv edilməsinin qütbləşməyə səbəb olacağını deyərkən onun əvvəlki bəyanatlarını xatırlayıram. Mən hələ də istəyirəm ki,  o, konstitusion hüququndan istifadə etsin, amma onun qərarında və seçimində nə qədər azad olduğunu gələcək göstərəcək"- Canaşiya bildirib.

Məlumat üçün bildirək ki, ilkin olaraq dekabrın 15-də Milli Hərəkatın üzvləri – Ana Tsitlidze, Davit Kirkitadze və Abdulla İsmayılov parlamentdə Mixeil Saakaşvilinin xaricə köçürülməsi tələbi ilə aclıq aksiyasına başlayıb, lakin Abdulla İsmayılov sağlamlıq səbəbindən  aclığı dayandırıb. Milli Hərəkatın deputatı Temur Canaşia dekabrın 16-da aclıq aksiyasına qoşulub.