Bu altı ölkə Gürcüstan vətəndaşlarına sərhədlərini açdı

"Avropa İttifaqına üzv olan altı ölkə Gürcüstan üçün sərhədləri heç bir şərt olmadan açdı".

InterPress.ge xəbər verir ki, bunu Gürcüstanın xarici işlər naziri David Zalkaliani "İmedi" televiziya kanalına müsahibəsində açıqlayıb.

Zalkaliani izah etdir ki, Latviya, Litva, Estoniya, Almaniya, Fransa və Macarıstanı ziyarət edərkən, Gürcüstan vətəndaşları iki həftə ərzində karantindən keçməli olmayacaqlar.

“Bu, Gürcüstan vətəndaşları üçün heç bir şərt olmadan sərhədlər açan ölkələrin siyahısıdır. Buna əsaslanaraq düşünürük ki, bu ölkələrə adekvat bir yanaşma olmalıdır "dedi XİN rəhbəri.