“Milli Hərəkat” Mixeil Saakaşvilinin məsələsini və gələcək planları müzakirə edəcək

“Milli Hərəkat”ın ofisində keçmiş prezident Mixeil Saakaşvilinin məsələsi və gələcək planlar müzakirə ediləcək.

InterPress.ge xəbər verir ki, iclasda partiyanın katibliyi, parlamentdəki fraksiyasının üzvləri və yəqin ki, partiya sədrliyinə namizədlər iştirak edəcək.

“Milli Hərəkat”ın liderlərindən olan Roman Qoçiridzenin sözlərinə görə, Mixeil Saakaşvili ilə bağlı partiyada heç vaxt fərqli yanaşma olmayıb.

Onun sözlərinə görə, Mixeil Saakaşvilinin cəzası təxirə salınmasa, partiya mitinqlər də daxil olmaqla bütün vasitələrdən istifadə etməlidir.

“Bu gün partiyanın katibliyi və parlament fraksiyası toplaşacaq və bu görüşün əsas mövzusu Mixeil Saakaşvilinin siyasi təqibi və məhkəmə qərarı çıxarıldıqdan sonra atılmalı olan addımlar olacaq. Hamımız bilirik ki, məhkəmə müstəqil qərar qəbul etmir - partiya və Bidzina İvanişvili nə göstəriş versə, onu elan edəcək. Biz bütün ssenarilərə hazır olmalıyıq. Mixeil Saakaşvili ilə bağlı partiyada heç vaxt fərqli yanaşma olmayıb. Biz görürük ki, işlər son həddə çatıb, onlar insan həyatı ilə oynayırlar, manipulyasiya edirlər və əslində, ölkə üçün də fəlakətli nəticələrə gətirib çıxaracaq proses yarana bilər”, - Roman Qoçiridze bildirib.