Avropa Parlamentinin deputatları: Nika Qvaramiyanın hökmünü pisləyirik və...
Gürcüstan tərəfindən Aİ Assosiasiyası Sazişinin icrası ilə bağlı hesabata nəzərən bir neçə avropalı parlamentari tərəfindən hesabatda hazırlanan düzəlişlər hakimiyyəti “Mtavari Arxi ” kanalının direktoru Nika Qvaramiyanın hökmünə yenidən baxmağa çağırır.
InterPress.ge xəbər verir ki, mətndə qeyd olunur ki, “Mtavari” telekanalının direktoru Nika Qvaramiya çirkli pulların yuyulması, rüşvətxorluq və sənəd saxtakarlığında şübhəli bilinərək 3 il 6 ay müddətinə azadlıqdan məhrum edilib.
“Mtavari Arxi ” müstəqil teleşirkətinin direktoru Nika Qvaramiyaya 2022-ci il mayın 16-da çıxarılan hökmü pisləyirik. Biz Qvaramiyanın hökmünə yenidən baxılması ilə bağlı çağırışı bir daha təkrar edirik”, - sənəddə deyilir.
Avropa parlamentarilərinin hazırladığı digər düzəlişdə deyilir ki, Gürcüstan hakimiyyəti media azadlığını və jurnalistlərin təhlükəsizliyini təmin etməlidir.
“Komitə ” Mtavari Arxi” tənqidi medianın direktoru Nika Qvaramiyanın, digər tənqidi media qurumlarının təsisçiləri və direktorlarının, xüsusən də “Formula” teleşirkətinin təsisçisi Davit Kezeraşvili və Pirveli” teleşirkətinin təsisçisi Vaxtanq Tseretelinin mühakimə olunmasından təəssüflənir. Biz Gürcüstan hakimiyyətini media azadlığını və jurnalistlərin təhlükəsizliyini təmin etməyə çağırırıq”, - mətndə deyilir.
Bu gün Avropa Parlamentinin Xarici Komitəsi Gürcüstan tərəfindən Aİ Assosiasiyası Sazişinin icrası ilə bağlı hesabata baxır, bununla bağlı bir neçə Avropa Parlamenti deputatı heabatda düzəlişlər hazırlayıb.
