İrakli Ğaribaşvili: "Biz bütün platformalarda Ukraynanı dəstəkləyirik"

"Biz çox çətin dövrdə yaşayırıq.  Bizim vəzifəmiz müharibəni uzatmaq deyil, hər kəsin vəzifəsi bu ölümcül müharibəni mümkün qədər tez dayandırmaq olmalıdır".

InterPress.ge xəbər verir ki, bu barədə Gürcüstanın baş naziri İrakli Ğaribaşvili Macarıstanda  keçirilən brifinqdə bildirib.

Onun sözlərinə görə, Gürcüstan bütün platformalarda Ukraynanı dəstəkləyir.

“Hökumətlərin və idarəçilərin öz xalqı qarşısında böyük məsuliyyəti var. Mən cənab Baş nazirə [Viktor Orbana] və onun siyasətinə böyük hörmətimi təsdiq etmək istəyirəm. Biz də bu çətin zamanda ölkələrimizin və xalqımızın mənafeyini qorumaq üçün əlimizdən gələni edirik. Ukraynada müharibə qətiyyən qəbuledilməzdir. Biz bütün platformalarda Ukraynanı dəstəkləyirik. Arzumuz budur ki, bu müharibə tez bir zamanda bitsin. Bizim vəzifəmiz bu müharibəni uzatmaq deyil, bu ölümcül müharibəni tez bir zamanda dayandırmaq hər kəsin vəzifəsi olmalıdır. Təbii ki, bütün bunlar qiymətlərə təsir edir, enerji sahəsində böhran yaranıb və bununla adekvat mübarizə aparmaq lazımdır. Gürcüstan öz yolu, Avropa seçimi ilə qətiyyətlə gedir. İqtisadiyyatımız inkişaf edir. Bizdə ikirəqəmli iqtisadi artım var və biz ölkəmizi mümkün qədər tez Avropaya və Avropa strukturlarına daha da yaxınlaşdırmaq üçün əlimizdən gələni etməliyik”, - deyə İrakli Ğaribaşvili bildirib.