Avropa Komissiyasının prezidenti: "Dünya Bankının hesablamalarına görə, Ukraynada zərərin məbləği 350 milyard avro təşkil edir"

"Boşa sərf etməyə vaxtımız yoxdur, dağıntıların miqyası heyrətləndiricidir. Dünya Bankının hesablamalarına görə, zərərin məbləği 350 milyard avro təşkil edir".

InterPress.ge xəbər verir ki, bunu Avropa Komissiyasının prezidenti Ursula fon der Layen Ukraynanın bərpası, yenidən qurulması və modernləşdirilməsi üzrə Berlində keçirilən beynəlxalq ekspertlər konfransında deyib. 

"Biz ukraynalıların yanında dayanıb onları yardım, sürətli reabilitasiya və yenidənqurma işləri ilə təmin edə bilərik", - Avropa Komissiyasının sədri bildirib.

Onun sözlərinə görə, Ukraynaya Avropa İttifaqına namizəd statusu verilib və Kiyevin dəstəyi birliyə uzunmüddətli fayda gətirəcək.