Tea Tsulukiani: "Ukraynanın Bidzina İvanişvilinin ətrafına sanksiya tətbiq etməsi düşməncəsinə qərardır"
"Ukraynanın Bidzina İvanişvilinin ətrafına sanksiya tətbiq etməsi düşməncəsinə qərardır".
InterPress.ge xəbər verir ki, bunu mədəniyyət, idman və gənclər naziri Tea Tsulukiani deyib.
Tsulukianinin dediyinə görə, sözügedən sanksiyalar Gürcüstanı müharibəyə cəlb etmək üçün növbəti cəhddir və Gürcüstan hökuməti buna imkan verməyəcək.
“Ukrayna hakimiyyətinin Bidzina İvanişvili və onun ailə üzvlərinə qarşı çıxardığı sanksiyalar Təhlükəsizlik Şurasına aiddir. Təhlükəsizlik Şurasının rəhbəri isə o şəxsdir ki, Gürcüstanı müharibəyə qoşulmağa dəvət edir və bunun nəsillərimizə və ölkəmizə necə təsir edəcəyindən narahat olmur.
Dost ölkə olduğunu iddia edən bir ölkənin belə düşmən qərarlar verməsi, yumşaq desək, çox üzücüdür. Ola bilsin ki, Təhlükəsizlik Şurasından gələn bu qərar Gürcüstanı hərbi əməliyyatlara cəlb etmək üçün növbəti cəhd kimi qəbul edilməlidir, lakin bu, baş verməyəcək”, - deyə Tsulukiani bildirib.
