Tanınmış müğənni Rəhim Rəhimli vəfat edib

Tanınmış müğənni, bəstəkar Rəhim Rəhimli vəfat edib.

InterPress.ge xəbər verir ki, bu barədə Xalq artisti Faiq Ağayev instaqram hesabında yazıb.

İfaçının prodüseri Həmzə Məmmədli Rəhim Rəhimlinin ölüm səbəbini açıqlayıb.

Onun sözlərinə görə, sənətçinin son zamanlar ürəyində problemlər olub. Bu səbəbdən Rəhim Rəhimli gecə saatlarında evində ürəktutmadan dünyasını dəyişib.

Prodüseri R.Rəhimlinin dəfn olunacağı yeri də açıqlayıb. O bildirib ki, mərhum sənətçi bu gün saat 12-də Bülbülə qəbiristanlığında torpağa tapşırılacaq.