Oktyabrdan etibarən yeni aviaşirkət Tbilisi Beynəlxalq Hava Limanından uçuşlara başlayacaq

Daha bir yeni aviaşirkət Tbilisi Beynəlxalq Hava Limanında fəaliyyətə başlamağı planlaşdırır. 

lnterPress.ge xəbər verir ki, bu barədə məlumatı Tbilisi və Batumi beynəlxalq hava limanlarının idarəedici şirkəti olan TAV Georgia şirkəti yayıb.

Məlumata görə, müvafiq prosedurları tamamladıqdan sonra “Air Moldova” oktyabr ayından etibarən həftədə iki dəfə, bazar ertəsi və cümə günləri Airbus 320 təyyarələri ilə Tiflis-Kişinyova birbaşa uçuşlar həyata keçirəcək.

Qeyd edək ki, noyabrdan etibarən aviaşirkət həftəlik uçuşların tezliyini dördə çatdırmağı planlaşdırır.