Sərhəd polisi Gürcüstanın dövlət sərhədini qanunsuz keçməyə cəhd edən iki nəfəri saxladı
Daxili İşlər Nazirliyinin Sərhəd Polisinin əməkdaşları, Qırmızı Körpü Diviziyasının sərhəd sektoru “Sadaxlı” mühafizə bölməsində keçirilmiş əməliyyat-axtarış tədbiri nəticəsində 2 Ermənistan vətəndaşı: 1998-ci il təvəllüdlü və 1996-cı il təvəllüdlü şəxsi saxlayıblar. Onlar qrup halında Gürcüstanın dövlət sərhədini qanunsuz keçməkdə, habelə narkotik vasitələrin qanunsuz əldə edilməsində və saxlanılmasında və Gürcüstan ərazisinə qanunsuz gətirilməsində ittiham olunurlar.
lnterPress.ge xəbər verir ki, cinayətlər 12 ilə qədər həbslə cəzalandırılır.
İstintaq müəyyən edib ki, təqsirləndirilən şəxslər sərhəd-keçid məntəqəsindən yan keçərək Ermənistan Respublikasından Gürcüstan istiqamətində qrup halında dövlət sərhədini qanunsuz keçərək qanunsuz olaraq 12 bağlama “Alfa PVP” adlı narkotik vasitəni ölkəmizə gətiriblər.
Qeyd edək ki, istintaq Gürcüstan Cinayət Məcəlləsinin 344-cü maddəsinin 2-ci hissəsinin “A” yarımbəndi, 260-cı maddənin üçüncü hissəsinin “b” yarımbəndi və 262-ci maddənin ikinci hissəsinin “b” yarımbəndi ilə aparılır.
