İstanbulda tekstil atelyesini qarət edən Gürcüstan vətəndaşları 200 min lirə oğurlayıblar

İstanbulun Fatih səmtindəki tekstil atelyesinə oğurluğa girən Gürcüstan vətəndaşları oradan 200 min lirə pul götürüblər.

InterPress.ge xəbər verir ki, onların oğurluq etməsi faktı kameralara düşüb.

Hadisə yerinə gələn əməkdaş açılan seyfi görüb polisə müraciət edib. İlkin baxış zamanı ateliyenin giriş qapısına və qıfılına heç bir ziyan dəyməyib. Video görüntülərə baxandan sonra oğruların jalüzləri açdıqları məlum olub. Onlar xüsusi alətlərlə ateliyedəki seyfi açmağa nail olublar.

Türkiyə mətbuatı xəbər verib ki, iş üzrə 2 gürcüstanlı Aleksandre D. və Vladimir S. saxlanılıb. Həmin məbləğ onların yaşadığı yerdən götürülüb.  Onlar məhkəmənin qərarı ilə tutularaq həbsxanaya göndərilib.