Didi Diğomidə partlayışa səbəb nə olub? - Yerli sakinlərdən açıqlama

Didi Diğomidə Bendukidze qəsəbəsində baş verən partlayışa səbəb təxminən, yaşayış evində quraşdırılmış su qızdırıcısından təbii qazın sızması olub.

lnterPress.ge xəbər verir ki, bu barədə yerli sakinlər məlumat verib.

Daxili İşlər Nazirliyinin və “Didi Diğomi” MMC-nin qaz təsərrüfatının əməkdaşları hadisənin dəqiq səbəblərini müəyyən etmək üçün işləyirlər.

Qaz şirkətinin nümayəndələri hələlik rəsmi açıqlama verməyiblər.

Hadisə bu gün səhər saatlarında baş verib. Xəsarət alanlar Nigeriya vətəndaşı qadın və uşaqdır. Bir nəfər də yaralanıb, yerli sakinlərin sözlərinə görə, partlayış zamanı o, evdə olub.

Qeyd edək ki, yaralılar xəstəxanaya çatdırılıb.