Gürcüstanın daxili işlər naziri Borjomiyə səfər edib

Gürcüstanın daxili işlər naziri Vaxtanq Qomelauri Borjomi vadisinə səfər edib.

InterPress.ge xəbər verir ki, daxili işlər naziri yanğının söndürülməsi tədbirləri ilə yerində tanış olur.

Borjomidə yanğınsöndürmə işlərinin əlaqələndirilmiş şəkildə həyata keçirilməsi üçün operativ idarəetmə qərargahı yaradılıb.

Məlumat üçün bildirək ki, Borjomi bələdiyyəsində səhər saatlarından Türkiyə Respublikasının 8 tonluq çəni olan yanğınsöndürmə helikopteri yanğın sektorlarının işlənməsi prosesinə cəlb olunub.

Daxili İşlər Nazirliyindən verilən məlumata görə, bu gün daha iki ixtisaslaşmış yanğınsöndürmə təyyarəsi yanğının söndürülməsinə cəlb olunacaq.