Sabah Marneulidə Tasua yürüşü keçiriləcək

Marneulidə sabah Tasua yürüşü olacaq.

InterPress.ge xəbər verir ki, Tasua yürüşü sabah avqustun 7-də baş tutacaq.

Ümumi Gürcüstan Müsəlmanlarının Ali Dini İdarəsinin sədri seyid Mirtəqi Əsədovun açıqlamasına əsasən, Tasua yürüşü Marneulinin mərkəzindən- Əhli Beyt Cəmiyyəti önündən İmam Əli (ə) Məscidinədək davam edəcək.

M.Əsədovun qeyd etdiyinə görə, Tasua yürüşü saat 11:00 radələrində  başlayacaq.

O, eləcə də Bütün Müsəlmanları, İmam Hüseyn aşiqlərini Tasua yürüşünə qatılmağa dəvət edir.

Qeyd edək ki, Aşura günü avqustun 8-nə təsadüf edir.