Çində 10 gün davam edən it əti festivalı keçirilir

İnterPress xəbər verir ki, çinlilər vəhşi heyvan bazarından dünyanı cənginə alan koronavirus xəstəliyini yaydıqdan sonra it əti festivalına ev sahibliyi ediblər. Mütəxəssislərin xəbərdarlıqlarına baxmayaraq Çinin Yulin şəhərində bazarda tonlarla it əti sərgilənib. Çin heyvan haqlarının müdafiəçisi Peter Li it ətinin yeni növ viruslara yol aça biləcəyini desə də, ticarətçilər buna əhəmiyyət verməyiblər. Belə ki, Çinin digər şəhərlərindən Yulinə it əti satmaq üçün minlərlə insan axışıb. Ölkədə keçirilən festivalda 12,3 milyon dollar dəyərində it əti satıldığı açıqlanıb.