Avropa Parlamentinin nümayəndə heyəti bu gün baş nazir və xarici işlər naziri ilə görüşəcək

Bu gün Avropa Parlamentinin nümayəndə heyəti baş nazir və xarici işlər naziri ilə görüşəcək, bundan sonra avropalı deputatlar “Gürcü Arzusu” ofisinə keçəcəklər.

InterPress.ge xəbər verir ki,  müzakirə olunacaq əsas mövzu Gürcüstanın Avropa İttifaqı ilə Assosiasiya Sazişini yerinə yetirməsinə dair illik hesabat və Avropa İttifaqına namizəd statusu almaq perspektividir.

Dünən avropalı deputatlar Parlamentin Xarici Əlaqələr Komitəsində sonuncu görüşlərdən birini keçiriblər.  “Gürcü Arzusu” Avropa Parlamentinin deputatlarının əsas mesajının 12 bəndin yerinə yetirilməsi üçün bütün siyasi partiyaların birgə işləməsi olduğunu bildirib.

"Elə burada vəziyyətlə tanış olmaq və Gürcüstanın Avropa Komissiyası tərəfindən verilən tövsiyələrinin yerinə yetirilməsi və Gürcüstanın düşdüyü geosiyasi vəziyyətlə bağlı Avrointeqrasiya prosesi haqqında danışmaq imkanının olması vacibdir”, - deyə “Gürcü Arzusu”nun Avropaya inteqrasiya komitəsinin sədri Maka Bocorişvili deyib.

“Gürcü Arzusu – Demokratik Gürcüstan” siyasi şurasının üzvü Nikoloz Samxaradzenin sözlərinə görə, Avropa Parlamentinin deputatlarının hakim komandaya verdiyi əsas mesaj 12 bəndlik plan üzərində birgə səylərlə işləməkdir.

“Avropa Parlamentinin Xarici Əlaqələr Komitəsinin üzvlərinin bizə verdiyi əsas mesaj ondan ibarət idi ki, biz indi Avropa Komissiyasının tövsiyələrində təqdim olunan 12 bənd üzərində birgə işləməliyik ki, namizəd statusunu tezliklə ala bilək. Həm iqtidar, həm də müxalifət bu işgüzar rejimə qoşulmağa çağırılır”, - Nikoloz Samxaradze bildirib.