ABŞ səfiri jurnalistlərə qarşı zorakılıq halları ilə bağlı bəyanat yayır

Amerikanın Gürcüstandakı səfiri Kelli Deqnan jurnalistlərə qarşı zorakılığı pisləyir.

InterPress.ge xəbər verir ki, səfir Gürcüstanın Jurnalist Etikası Xartiyası və Media Advokatlaşdırma Koalisiyasının üzvləri ilə görüşüb, onlarla ölkədəki media mühitini müzakirə edib.

"Biz media mühitinin narahatedici dərəcədə pisləşməsini və jurnalistlərə qarşı təqib və fiziki hücum hallarının həyəcan verici artımını müzakirə etdik. Demokratik ölkələrdə azad və müstəqil media olmalıdır.

Bütün siyasi spektrdə media ictimaiyyəti məlumatlandırmaqda və əsas hadisələri xəbər verməkdə azad olmalıdır. Məsuliyyətli, etik media hakimiyyətdə olanları məsuliyyətə cəlb etmək üçün çox vacibdir.

ABŞ Səfirliyi Xartiyanın jurnalistlərə Gürcüstan xalqı üçün vacib olan hadisələri və məsələləri ədalətli, balanslaşdırılmış və etik qaydada çatdırmaqda kömək etmək səylərini dəstəkləyir.

Birləşmiş Ştatlar jurnalistlərə qarşı zorakılığı və təqibləri qəti şəkildə pisləyir. Jurnalistləri təhdid edən və onlara hücum edənlər cavab verməlidir.

5 və 6 iyul tarixlərində baş verən sarsıdıcı zorakılıq bizə zorakılıq edənlərin məsuliyyətə cəlb edilməsinin vacibliyini xatırladır. Cəzasızlıq elə təəssürat yaradır ki, zorakılıq məqbuldur, lakin zorakılıq qəbuledilməzdir.

Azad və açıq media mühitini təmin etmək hakimiyyətdə olanların vəzifəsidir. Gürcüstan hökuməti jurnalistlərin təhlükəsizliyini təmin etmək üçün fəal addımlar atmalıdır.

Jurnalistlərə hücum edərək Gürcüstanın demokratiyasını təhdid edənlər - siyasi baxışlarından asılı olmayaraq cəzasız qalmamalıdırlar. Azad və müstəqil mətbuat əsl demokratik cəmiyyətin meyarıdır”, - səfirlikdən bildiriblər.