Yaşayış binasında yanğın baş verdi

Rustavidə 21-ci mikrorayonun 16 saylı binasında yanğın olub.

 lnterPress.ge xəbər verir ki, yanğın yeddinci mərtəbədəki yaşayış mənzilində baş verib.

Hadisə yerinə Fövqəladə Hallar Nazirliyinin 3 yanğınsöndürmə briqadası, polis və təcili tibbi yardım briqadası səfərbər edilib.

Yanğın baş verən zaman evdə heç kim olmayıb.

İlkin məlumata görə, yanğına səbəb ikonaların küncündə yanan şam olub.

Yanğın hazırda söndürülüb.