Mixail Saakaşvilinin məhkəmə prosesi təxirə salındı

Külli miqdarda büdcə vəsaitini qrup halında mənimsəməkdə təqsirləndirilən sabiq prezident Mixail Saakaşvili və Xüsusi Dövlət Mühafizə Xidmətinin keçmiş rəhbəri Teymuraz Canaşiyanın məhkəməsi təxirə salınıb.

lnterPress.ge xəbər verir ki, məhkəmə prosesi iyulun 11-i, saat 11:00-da keçiriləcək.

Mixail Saakaşvili səhhətinə görə məhkəmədə iştirak edə bilməyib. Lakin o, klinikadan göndərdiyi açıqlamada prosesi onsuz aparmağa razı olmadığını bildirib.

Məhkəmədə Teymuraz Canaşia iştirak edib.

Məlumat üçün bildirək ki, prokurorluq təqsirləndirilən şəxsləri külli miqdarda büdcə pulunu - 9 milyon larini qrup halında mənimsəməkdə ittiham edir.