Polis narkotik alverçilərini saxladı
Daxili İşlər Nazirliyinin əməkdaşları Tbilisi, Kvemo Kartli, Şida Kartli, Acarıstan, İmereti və Sameqreloda 14 narkotik alverçisini saxlayıblar.
InterPress.ge xəbər verir ki, bu barədə Daxili İşlər Nazirliyi məlumat yayıb.
Onların sözlərinə görə, qanunsuz olaraq narkotik vasitələrin əldə edilməsi, saxlanılması və satışı ittihamı ilə saxlanılanlar aşağıdakılardır:
1967-ci il təvəllüdlü T.L., 1972-ci il təvəllüdlü A.M., 1986-cı il təvəllüdlü M.Ç., 1977-ci il təvəllüdlü İ.B., 1975-ci il təvəllüdlü Z.L., 1982-ci il təvəllüdlü D.C., 1995-ci il təvəllüdlü A.K., 190-cı il təvəllüdlü, QA., 1980-ci il təvəllüdlü K.B,; (“Kokiniç” ləqəbli), 1984-cü il təvəllüdlü Q.S. (“Lisoviç” ləqəbli), 1974-cü il təvəllüdlü, əvvəllər məhkum olunmuş B.F. və xarici vətəndaş - 1980-ci il təvəllüdlü A.C., 1982-ci il təvəllüdlü S.Q. Və 1981-ci il təvəllüdlü T.M.
Hüquq-mühafizə orqanlarının əməkdaşları tərəfindən saxlanılan şəxslərin qanunsuz olaraq satdıqları xüsusilə külli miqdarda narkotik vasitələr - “heroin”, “heroin” tozu, “alfa pvp” və “buprenorfin” maddi sübut kimi götürülüb. Təqsirləndirilən şəxslərin, şəxsi və yaşayış mənzillərinə baxış zamanı müxtəlif növ narkotik vasitələr və ehtimal ki, narkotik vasitələrin satışı nəticəsində əldə edilən pullar götürülüb.
Hakimin hökmü əsasında hüquq-mühafizə orqanlarının əməkdaşları tərəfindən həyata keçirilən gizli istintaq hərəkətləri zamanı müəyyən edilib ki, təqsirləndirilən şəxslər sistematik şəkildə narkotik vasitələrin satışı ilə məşğul olublar. Polis əməkdaşları tərəfindən hakimin qərarı əsasında bir neçə dəfə narkotik vasitələrin qanunsuz dövriyyəsi ilə məşğul olduqlarına görə saxlanılmış şəxslərdən müxtəlif növ narkotik vasitələrin alışına nəzarət tədbirləri həyata keçirilib və həmin alışların gizli audio-video çəkilişləri lentə alınıb.
Faktla bağlı Gürcüstan Cinayət Məcəlləsinin 260-cı maddəsinin 19-260-cı maddəsinin 3, 4, 5 və 6-cı hissələrinə əsasən, qanunsuz olaraq xüsusilə külli miqdarda narkotik vasitələrin əldə edilməsi, saxlanması və satışı ilə bağlı araşdırma aparılır. Bu cinayətlərə görə 20 ilədək həbs və ya ömürlük həbs cəzası nəzərdə tutulur.
“Daxili İşlər Nazirliyi narkotik cinayətlərinə qarşı barışmaz mübarizəni davam etdirir. Yalnız bu il hüquq-mühafizə orqanlarının əməkdaşları həyata keçirdikləri əməliyyat tədbirləri və istintaq hərəkətləri nəticəsində narkotik vasitələrin qanunsuz dövriyyəsi ilə məşğul olan 88 nəfəri yaxalayaraq, külli miqdarda müxtəlif növ narkotik vasitəni sübut kimi götürüblər”, - deyə məlumatda qeyd olunub.
