Gürcüstanda avtomobillərin daşınması bazarda ən çox tələb olunan avtomobilin qiymətinə bərabər olub

Pandemiya başlayandan bəri həm Asiya, həm də ABŞ və Avropadan avtomobil daşıma qiymətləri əhəmiyyətli dərəcədə artıb.

InterPress.ge xəbər verir ki, bunula bağlı Auto Import Georgia şirkətinin direktoru Quram Rostiaşvili açıqlama verib.

O bildirib ki, artım ən çox Asiyadan konteyner daşımalarına aiddir və bəzi hallarda avtomobilin dəyərinə bərabər olur.

“Konteynerlərin qiymətində artım əvvəlcə pandemiya zamanı başladı. Bu, bəzi hallarda daşıma komponentində qiymətlərin beş dəfəyə qədər artmasına səbəb oldu. Son vaxtlar qiymətlər sabitləşir, amma böyük addımlarla deyil, müharibədən sonra yenidən qiymətlər qalxdı. Düzdür, pandemiyanın son mərhələsində olan həddi keçməyib, lakin artım nəzərə çarpır.

Asiyada hazırda bir konteynerin qiyməti burada vergilər daxil olmaqla 8500 dollardır, yəni bir avtomobil üçün 2100 və ya 2300 dollardır.

ABŞ-a gəlincə, avtomobillərin göndərildiyi təxminən 5 liman var və qiymətlər bütün limanlara görə dəyişir, bir avtomobil üçün 1400 dollardan 2500 dollara qədər dəyişir. Yəni pandemiyadan əvvəlki dövrlə müqayisədə 400-500 dollar artıb. Avropa daha stabildir, baxmayaraq ki, qiymət artımı yəqin ki, hər konteyner üçün 100-200 avro təşkil edir”, - Rostiaşvili bildirib.

Onun sözlərinə görə, Rusiyanın Ukraynaya təcavüzündən sonra Gürcüstan bazarında avtomobillərə tələbat azalıb.

“Qiymət artımı həmişə tələbin azalmasına səbəb olur. Üstəlik, əksər hallarda Gürcüstan bazarında 5 min dollarlıq avtomobillərə tələbat olur. Mən bununla idxal və gömrük rəsmiləşdirilməsi xərclərini nəzərdə tuturam. Belə çıxır ki, maşının qiyməti 2000-2500 dollar olmalıdır. Son zamanlar daşınma qiyməti bazarda ən çox tələb olunan avtomobillərlə eynidir. Pandemiyadan əvvəl Asiyadan 1 avtomobilin daşınması 800-900 dollara başa gəlirdi.

Bundan əlavə, müharibə dövrü tələbata çox ciddi təsir göstərdi. Qiymət artımlarının əhəmiyyətli müəyyənedici faktor olması ilə yanaşı, buna digər məhsullar üzrə yüksək inflyasiya və ictimai qeyri-müəyyənlik və bundan sonra nə olacağı ilə bağlı qorxular əlavə olundu", - “Auto Import Georgia” şirkətinin direktoru bildirib.

Məlumat üçün bildirək ki, bu ilin yanvar-aprel aylarında Gürcüstanda avtomobil idxalı pul ifadəsində artsa da, ədədlə azalıb. O cümlədən, 2021-ci ilin ilk 4 ayında Gürcüstana 251,4 milyon ABŞ dolları dəyərində 32,261 min, 2022-ci ilin eyni dövründə isə 319,6 milyon ABŞ dolları dəyərində 30,870 min avtomobil idxal edilib.