Məhkumlar rəqəmsal universitetdə distant təhsil almaq imkanı əldə edəcəklər

Ədliyyə naziri Rati Breqadze qanunverici orqandakı çıxışında penitensiar sistemdə həyata keçirilən insan hüquqlarına dair dəyişikliklərdən ətraflı danışıb. 

InterPress.ge xəbər verir ki, belə yeniliklərdən biri də Təhsil Nazirliyi ilə birgə həyata keçiriləcək Rəqəmsal Universitet layihəsidir.

Ədliyyə naziri qanunvericilər qarşısında çıxış edərkən vurğulayıb ki, bütün cəzaçəkmə müəssisələri müvafiq kitabxanalarla təchiz olunub, burada kitab fondu daim yenilənir.

“Bu layihə nəticəsində məhkumlar və təqsirləndirilən şəxslər Gürcüstanda akkreditə olunmuş universitetdə distant təhsil vasitəsilə - həm bakalavr, həm də magistratura proqramları üzrə ali təhsil ala biləcəklər”, - deyib Rati Breqadze.