Baş nazir xaricdə yaşayan Gürcüstan vətəndaşları ilə bağlı təşəbbüs irəli sürdü

Baş nazir belə təşəbbüs irəli sürüb ki, diaspor nümayəndələri xaricdə gürcü pasportu alarkən Gürcüstanda mövcud olan qiymətlə almalıdırlar.

InterPress.ge xəbər verir ki, bu barədə Gürcüstanın Baş naziri İrakli Qaribaşvili Diaspor Gününə həsr olunmuş forumda bildirib.

"Səhv etmirəmsə, məsələn, illər ərzində xaricdə yaşayan diaspor nümayəndəsi üçün pasport almaq qiyməti 130 ABŞ dollar olub, Gürcüstanda isə bu qiymət 2 dəfə, 3 dəfə aşağı olub. Biz bu barədə danışdıq və cənab Rati Breqadzenin təşəbbüsü ilə bu tariflər bərabərləşdiriləcək. Biz heç bir bölgü aparmamalıyıq, Gürcüstanda və xaricdə yaşayan vətəndaşlar arasında fərq olmamalıdır", - deyə o söyləyib.