Bu gün Saakaşvilinin məhkəmə prosesi keçiriləcək

Külli miqdarda büdcə vəsaitini mənimsəməkdə təqsirləndirilən sabiq prezident Mixail Saakaşvili və Xüsusi Dövlət Mühafizə Xidmətinin keçmiş rəhbəri Teymuraz Canaşiyanın məhkəməsi mayın 24-də keçiriləcək.

lnterPress.ge xəbər verir ki, iclas Tbilisi Şəhər Məhkəməsində saat 11:00-a təyin edilib.

Mixail Saakaşvili səhhətinə görə məhkəmədə iştirak etməyəcək.

Çox güman ki proses, əvvəlki iclaslar kimi, təxirə salınacaq. Sabiq prezident son məhkəmə prosesində onsuz iclas keçirməkdən imtina edib.

Bu işdə Mixail Saakaşvili ilə yanaşı Xüsusi Dövlət Mühafizə Xidmətinin keçmiş rəhbəri Teymuraz Canaşia da ittiham olunur. Prokurorluq təqsirləndirilən şəxsləri külli miqdarda büdcə pulunu - 9 milyon lari mənimsəməkdə ittiham edir.